Fíkjukúlur með súkkulaði

• 150 g þurrkaðar fíkjur
• 1 ½ msk. hunang
• 40 g pistasíuhnetur, gróft saxaðar
• 20 g kasjúhnetur, gróft saxaðar
• 20 möndlur, gróft saxaðar
• ½ tsk. kardimommuduft
• 1 msk. brætt smjör
• 140 g súkkulaði

Aðferð:

1. Setjið fíkjurnar í skál og hellið nýsoðnu vatni yfir þær og látið liggja í u.þ.b. 15 mínútur.
2. Hellið þá vatninu af og setjið fíkjurnar ásamt hunanginu í litla matvinnsluvél eða notið töfrasprota og maukið vel.
3. Setjið fíkjumaukið í skál og bætið því sem eftir er af hráefninu saman við og blandið vel.
4. Rúllið litlar kúlur með höndunum á stærð við kirsuberjatómata. Gott að vera með vatn í glasi og bleyta hendurnar svo að auðveldar sé að rúlla kúlurnar. Setjið á disk.
5. Bræðið súkkulaðið yfir vatnsbaði, takið af vatnsbaðinu og kælið niður í u.þ.b. 34°C, veltið kúlunum upp úr súkkulaðinu og setjið á disk eða bakka, en gott er að setja svolitla olíu á diskinn eða bakkann svo auðveldara sé að ná kúlunum af.
6. Saxið 4-6 pistasíuhnetur fínt og sáldrið strax yfir hverja kúlu, áður en súkkulaðið storknar. Látið harðna alveg.
7. Geymist best í kæli, geymsluþol er u.þ.b. sex dagar í kæli.