Fimleikadrottningin Kolbrún Þöll Þorradóttir og Ísak Óli Helgason gáfu dóttur sinni nafn síðastliðna helgi. Stúlkan kom í heiminn 17. október og er fyrsta barn parsins saman.

Frétt af mbl.is

Fimleikadrottningin orðin móðir

Kolbrún deildi gleðifregnunum í færslu á Instagram, en með færslunni birti hún fallega myndaröð frá skírninni.

„Elsku fullkomna dóttir okkar var skírð í gær og fékk nafnið Aþena Eik Ísaksdóttir. Fullkominn dagur í alla staði,“ skrifaði Kolbrún.

Undanfarin ár hefur Kolbrún verið lykilhlekkur í íslenska landsliðinu í hópfimleikum. Hún lenti hins vegar í meiðslum í september 2022 þegar hún sleit hásin degi fyrir brottför á Evrópumótið í hópfimleikum í Lúxemborg. 

Frétt af mbl.is

Gríðarlegt áfall fyrir landsliðið

Fjölskylduvefurinn óskar þeim innilega til hamingju með nafnið!