Frændurnir í Húsasmiðjunni, þeir Alexander Björnsson og Halldór Snær Óskarsson, ákváðu að veita fylgjendum Húsasmiðjunnar á TikTok alvöru innblástur fyrir jólin og sýndu hvernig þeir skreyta jólatré.

Alexander og Halldór, eða Dóri eins og hann er oftast kallaður, hafa starfað í málningardeild Húsasmiðjunnar frá árinu 2017. Nýverið urðu þeir hins vegar óvænt TikTok-stjörnur þegar þeir fóru að búa til sketsa fyrir TikTok-reikning Húsasmiðjunnar. 

Frétt af mbl.is

Frændurnir í Húsasmiðjunni sem urðu óvænt TikTok-stjörnur

Sérstök fagurfræði á bak við tréð

Eins og sjá má í myndbandinu nota frændurnir ýmsar leiðir til að skreyta jólatréð og því greinilegt að miklar pælingar séu á bak við fagurfræði skreytinganna.

Þeir völdu sér gervijólatré og skreyttu það hátt og lágt með jólakúlum og jólaljósum. Svo notuðu þeir hugmyndarflugið og bættu óvæntu jólaskrauti á tréð sem flestum myndi eflaust ekki detta í hug að skreyta með.