Sérsveitin sem er stuðningssveit íslenska landsliðsins í handknattleik er mætt til Munchen borgar og hyggst hún tryggja að stemningin fyrir leikina verði hreint út sagt frábær í alla staði. Sérsveitin hefur skipulagt upphitun fyrir stuðningsmenn Íslands á Hofbräukeller, Innere Wiener Straße 19, Munich, Germany.

Frétt af mbl.is

Þrír spennandi morgunverðarstaðir í Munchen

Hins vegar ef þú vilt þjóra bæverskan mjöð og njóta bæverskar bjórmenningar og rölta á milli öldurhúsa þá skaltu heimsækja endilega einhverjar af eftirfarandi bjórhöllum í Munchen borg. Flestir þessara bjórhalla brugga sinn eigin bjór og á sama tíma getur þú notið bæverskrar gestrisni eins og hún gerist best.

Frétt af mbl.is

Þetta eru bestu barirnir í Munchen 

Hofbräukeller

Hofbräukeller bjórgarðurinn, en ekki að villast við Hofbräuhaus, er staðsettur á Wiener Platz torginu í miðbæ Munchen. Wiener Platz torgið er líflegt markaðstorg með ýmsum sölubásum, verslunum og kaffihúsum. Hofbräukeller bjórgarðurinn bíður upp á 1.400 sæti á hefðbundnum bjórgarðsbekkjum á sjálfsafgreiðslusvæðinu og um 400 sæti á þjónustusvæðinu.

Þetta er bjórhöllin Hofbräukeller.

Sjálfsafgreiðslusvæðið er nær alveg þakið tjaldhimnum þéttra kastaníutrjáa. Boðið er upp á bæverska máltíðir, svo sem Obatzda, Wurstsalat (pylsusalat með ediki) og svínarif. Hofbräukeller byggingin var byggð 1892.

Sjá nánar hér.

Hofbräuhaus

Fólk alls staðar að úr heiminum heimsækir Hofbräuhaus, sem stærir sig af því að vera frægasti bjórsalur heims. Stofnað árið 1589 sem konunglegt brugghús konungsríkis Bæjarlands, er brugghúsið er ómissandi hluti af sögu München, menningu og matargerð og vinsælt afdrep fyrir ferðamenn og heimamenn. Þú munt sjá mörg frátekin borð fyrir fastagesti, sem kallast Stammtisch. Jafnframt er hægt að gæða sér á girnilegum bæverskum mat eins og kálfakjötspylsu með sætu sinnepi og svínasteik.

Hinar frægu pretzel eru vinsælar með bjór og fást hér í Hofbräuhaus. Ljósmynd/Hofbräuhaus

Sjá nánar hér.

Weißes Bräuhaus

Weisses Bräuhaus er sérhæfir sig í Weissbier, hveitibjór. Sérhverjum bjór er lýst ljóðrænt á drykkjarseðlinum. Á matseðlinum er boðið upp á gamaldags þýskan mat, salöt og grænmetisrétti. Ef þú þorir, prófaðu hefðbundna Munchen-rétti: súrsýrt kálfakjöt, svínalifur með ristuðum lauk eða svínakjötsnýru með steiktum kartöflum.

Flestar bjórhallirnar brugga sinni eigin bjór meðal annars Weißes Bräuhaus. Ljósmynd/Weißes Bräuhaus

Sjá nánar hér.

Der Pschorr

Staðsettur við Viktualienmarkt torgið. Fyrir utan margar mismunandi bjórtegundir, er Der Pschorr þekktur fyrir frábæran mat. Allt hráefni er staðbundið, unnið úr afurðum frá bæverskum aldingarði, ostum frá staðbundnum mjólkurbúum og kjöti frá pylsuframleiðendum í Munchen. Hápunktar á matseðlinum eru Murnau Werdenfelser nautakjöt, sjaldgæf nautgripategund úr nágrenninu, Pressack pylsa úr svínakjöti, heimabakað Obatzda, bæverskt ostaálegg borið fram með lauk og graslauksbrauði.

Kranabjórinn á Der Pschorr nýtur mikilla vinsælda. Ljósmynd/Der Pschorr

Sjá nánar hér.

Augustinerkeller

Augustinerkeller í Munchen hefur borið fram hinn milda Edelstoff bjór, nýtappaðan úr viðartunnu allar götur síðan 1812. Þú getur borðað í notalegri og líflegri bjórstofu með gömlum málverkum og ljósakrónum; hvelfum loftunum, múrsteinsveggir og viðarbekkjunum; Veitingastaðurinn býður upp á hefðbundna bæverska matargerð.

Fallegt umhverf er kringum Augustinerkeller. Ljósmynd/Augustinerkeller

Sjá nánar hér.

Paulaner Bräuhaus

Í Paulaner Bräuhaus er bjórbrugghefð sem nær aftur til ársins 1889 þegar bræðurnir Eugen og Ludwig Thomas brugguðu sinn fyrsta lagerbjór. Í dag er bjórinn bruggaður í glansandi kopartönkum og er bjórinn jafnvel bragðbætir í suma af árstíðabundnum réttum á matseðlinum eins og gúllas í bjórsósu. Fyrir ævintýragjarna matgæðinguna er hveitibjórs sorbet.

Bjórinn flæðir í glösin í Paulaner Bräuhaus. Ljósmynd/Paulaner Bräuhaus

Sjá nánar hér.

Löwenbräukeller

Þegar Löwenbräukeller opnaði árið 1883 var það mjög tilkomumikið. Staðurinn býður ekki aðeins upp á ferskan Löwenbräu bjór, heldur var þetta fyrsti bjórsalurinn í borginni, dúkuð borð með servíettum. Veitingastaðurinn er klæddur viðargólfum, hvelfduð loft, ljósakrónur og olíumálverk. Matseðillinn ber keim af klassískum bæverskum réttum eins og steiktu svínakjöti í kúmensósu með brauðbollum og kálsalati og ristað svínakjöt með dumplings og súrkáli.

Gleðin í fyrirrúmi í Löwenbräukeller. Ljósmynd/Löwenbräukeller

Sjá nánar hér.

Táknið fyrir Löwenbräukeller.