Helga Magga heilsumarkþjálfi fór á kostum í eldhúsinu í morgun og setti saman þennan partírétt sem steinliggur fyrir næsta EM-partí. En leikur Íslendinga gegn Ungverjum er í kvöld og hefst klukkan 19:30. Leikurinn mun skera úr um það hvort Íslendingar komist áfram í milliriðilinn á EM í handknattleik í ár.

Þessi matarmikli nachos partíréttur er mjög fljótlegur. Passar mjög vel í handboltapartíin.

„Það sem ég elska við þennan rétt er hvað hann er litríkur, fljótlegur og bragðgóður. Sósurnar frá El taco truck gera allan mat betri og hreinlega erfitt að gera upp á milli hver þeirra er best.

Mínar uppáhalds eru Jalapeno lime sósan, Coriander dressingin og Cheesy sause. Síðan er bara spurning hver sé þín uppáhaldssósa,“ segir Helga Magga sem er orðin spennt fyrir leiknum og enn spenntari fyrir að borða réttinn sinn.

Sósurnar flæða með þessum rétti

„Sósur sem einnig passa vel með þessum rétti eru: Chili mayo, Roasted garlic mayo, Chipotle mayo, Cheezy jalapeno sause. Habanero salsa sósan á hakkið og yfir réttinn er svo æði fyrir þá sem vilja vel sterkan mat,“ segir Helga Magga dolfallin yfir sósusmakki dagsins eins og sjá má á Instgram-færslunni hennar hér fyrir neðan.