Nýjar myndir frá breska ríkissjónvarpinu í Suður-Kóreu sýna stjórnvöld í Norður-Kóreu dæma tvo pilta í 12 ára þrælkunarvinnu fyrir að horfa á suðurkóreska sjónvarpsþætti.

Í myndskeiði, sem virðist hafa verið tekið árið 2022, sést þegar tveir 16 ára piltar eru handjárnaðir fyrir framan hundruð nemenda á stórum leikvangi, að sögn BBC.

Óeinkennisklæddir lögreglumenn ávíta piltana einnig fyrir að hafa ekki „hugsað alvarlega um mistök sín”.

Skemmtiefni frá Suður-Kóreu er bannað í Norður-Kóreu, þar á meðal sjónvarpsefni.

Þrátt fyrir það eru sumir tilbúnir til að taka áhættuna og verða sér úti um aðgang að suðurkóreskum sjónvarpsþáttum, sem eru afar vinsælir víða um heim.