Uppskriftir | 27. janúar 2024
Húsó-grillpinnar sem létta lundina
Eins og hefð er fyrir á laugardagsmorgnum á matarvef mbl.is þá er það Húsó-uppskrift úr hinu fræga eldhúsi í Hússtjórnarskólanum við Sólvallagötu en þar eru mörg leyndarmál geymd sem snúa að matargerð og bakstri. Að þessu sinni deilir skólameistarinn Marta María Arnarsdóttir uppskrift að girnilegum grillpinnum, annars vegar með nautakjöt og grænmeti og hins vegar með svínakjöti og grænmeti. Marta María mælir með að bera grillpinnanna fram með fersku salat með ristuðum sólblómafræjum og grískri jógúrtsósu með kryddi.
Húsó-grillpinnar sem létta lundina
Uppskriftir | 27. janúar 2024
Setja bókamerki
Eins og hefð er fyrir á laugardagsmorgnum á matarvef mbl.is þá er það Húsó-uppskrift úr hinu fræga eldhúsi í Hússtjórnarskólanum við Sólvallagötu en þar eru mörg leyndarmál geymd sem snúa að matargerð og bakstri. Að þessu sinni deilir skólameistarinn Marta María Arnarsdóttir uppskrift að girnilegum grillpinnum, annars vegar með nautakjöt og grænmeti og hins vegar með svínakjöti og grænmeti. Marta María mælir með að bera grillpinnanna fram með fersku salat með ristuðum sólblómafræjum og grískri jógúrtsósu með kryddi.
Eins og hefð er fyrir á laugardagsmorgnum á matarvef mbl.is þá er það Húsó-uppskrift úr hinu fræga eldhúsi í Hússtjórnarskólanum við Sólvallagötu en þar eru mörg leyndarmál geymd sem snúa að matargerð og bakstri. Að þessu sinni deilir skólameistarinn Marta María Arnarsdóttir uppskrift að girnilegum grillpinnum, annars vegar með nautakjöt og grænmeti og hins vegar með svínakjöti og grænmeti. Marta María mælir með að bera grillpinnanna fram með fersku salat með ristuðum sólblómafræjum og grískri jógúrtsósu með kryddi.
Þegar Marta María er spurð hvort það sé ekki of mikil bjartsýni að grilla þessa dagana miðað við veðurfar segir hún svo ekki vera. Nú sé einmitt lag að lífga upp á tilveruna og skella kjöti á grillið og fara í Pollýönnu leik. Ímynda sér að sumarið sé að koma og létta lundina.
Húsó-grillpinnar
Fyrir 4
- 500 g maríneraður nautavöðvi, nautalund eða file snyrt og skorið í bita (uppskrift að kryddleginum hér fyrir neðan)
- 500 g maríneruð svínalund snyrt og skorin í bita (uppskrift að kryddleginum hér fyrir neðan)
- 1 pk kokteilpylsur eða skornar pylsur.
- 1 bréf beikon, ½ sneið vafin utan um pylsurnar.
- 1 gul paprika, skorin bita
- 1 rauð paprika, skorin í bita
- Ananas skorinn í bita, magn eftir smekk
- 1 stk. rauðlaukur skorinn í báta
- 250 g sveppir skornir í bita
- 1 box kokkteiltómatar
Kryddlögur á svínakjöt
- 2 msk. góð olía
- 4 tsk. Dijon sinnep
- 2 hvítlauksrif, söxuð/marin
- ½ tsk. timían
- nýmalaður svartur pipar eftir smekk
- 3 msk. BBQ sósa (orginal)
Kryddlögur fyrir nautakjöt
- 4 msk. góð olía
- 1 tsk. salt
- 1 tsk. rósmarín
- Nýmalaður svartur pipar eftir smekk
Aðferð:
- Byrjið á því að marínera kjötið og látið liggja í maríneringunni í klukkustund.
- Raðið hráefninu á grillpinna með grænmetinu, gerið annars vegar grillpinna með nautakjöt og hins vegar með svínakjöti.
- Grillið á útigrilli eða í bakarofni stillt á grillstillingu.
- Athugið svínakjötið þarf lengri eldunartíma en nautakjötið.
- Berið grillpinnanna fram með góðu fersku salati með ristuðum sólblómafræjum, soðnum villihrísgrjónum og jógúrtsósu.
Grísk jógúrtsósa m/kryddi
- 300 g grísk jógúrt
- 2 msk. majónes
- 1 ½ msk. hlynsíróp
- 1 msk. sítrónusafi
- 1 hvítlauksgeiri, marinn
- 2 tsk. óreganó
- 1 tsk. timian
- Salt og nýmalaður pipar eftir smekk
Aðferð:
- Setjið allt hráefnið saman í skál og hrærið vel saman.
- Setjið í kæli í minnsta kosti klukkustund.
Ristuð sólblómafræ á ferskt salat
- 100 g sólblómafræ
- 1 msk. tamarisósa
Aðferð:
- Hitið þurra pönnu vel, ristið fræin á pönnunni þar til þau hafa fengið gylltan lit hreyfið þau reglulega á pönnunni.
- Hellið tamarisósunni á pönnuna og látið hana síast inn í fræin.
