Guðmundur Haukur Guðmundsson Maður #ársins á X, áður Twitter, og eiginkona hans Snædís Helgadóttir hafa sett glæsilegt endaraðhús sitt í Fossvoginum á sölu. 

Í febrúar 2023 var greint frá því á Smartlandi að hjónin hefðu fest kaup á húsinu sem þau greiddu 160 milljónir fyrir. Nú er ásett verð 162,9 milljónir.

Frétt af mbl.is

Maður #ársins keypti 160 milljóna raðhús í Fossvogi

Falleg húsgögn prýða stofuna á efsta palli hússins. Ljósmynd/Fasteignaljósmyndun.is

Stórir gluggar hleypa mikilli birtu inn í húsið. Ljósmynd/Fasteignaljósmyndun.is

Sjarmerandi stofa með útsýni

Húsið er á pöllum eins og þekkt er í raðhúsum í Fossvoginum, en það er 212 fm að stærð og var reist árið 1971. Á efsta palli hússins er rúmgóð stofa með stórum gluggum sem hleypa mikilli birtu inn í rýmið og veita útsýni. 

Í stofunni má einnig finna fallegan arinn sem skapar hlýlega stemningu, en við arininn má sjá formfögur og stílhrein húsgögn sem gefa rýminu sjarmerandi yfirbragð. 

Alls eru fjögur svefnherbergi og tvö baðherbergi í húsinu, en frá rúmgóðu hjónaherbergi er útgengt út í garð með skemmtilegri verönd, heitum potti og garðhúsi. 

Sjá á fasteignavef mbl.is: Logaland 20

Arininn gefur rýminu án efa mikinn sjarma og skapar hlýlega stemningu. Ljósmynd/Fasteignaljósmyndun.is

Hjónaherbergið er stílhreint og hlýlegt. Ljósmynd/Fasteignaljósmyndun.is

Á veröndinni er heitur pottur og garðhús. Ljósmynd/Fasteignaljósmyndun.is