Hárlitur Donalds Trumps, fyrrverandi forseta Bandaríkjanna, er nokkuð óvenjulegur og stundum er eins og hárið gæti verið betur litað. Það er þó ekki bara við hársnyrtinn að sakast þar sem Trump er sagður hegða sér eins og lítið barn á hárgreiðslustofunni. 

„Hárgreiðslufólk verður reitt út í hann, en getur ekki sýnt það. Hann getur ekki einu sinni setið kjurr í 30 mínútur,“ segir heimildarmaður Page Six. Trump nær því ekki að halda ró á meðan það tekur að lita hár hans. 

„Hárlitur Trumps getur breyst og verið skollitað, ljóst eða jafnvel ljós appelsínugult. Það fer eftir því hversu lengi hársnyrtirinn fær hann til að sitja í stólnum,“ segir í fréttinni. 

Hárgreiðslufólk er sagt verða þreytt á Donald Trump. AFP

„Vinir segja að hann sé það óþolinmóður að hann veiti hárnsyrtinum sjaldan þær 30 til 45 mínútur sem hann þarf til að halda hárlitnum jöfnum. Því styttri tíma sem þeir fá því appelsínugulara verður hárið, þar sem það þarf tíma til að gera hárið skollitað eins og hann tengir við yngri ár sín,“ útskýrði heimildarmaðurinn. 

Donald Trump, fyrrverandi forseti Bandaríkjanna. AFP