Söng- og leikkonan og prjónasnillingurinn, Salka Sól Eyfeld, er stödd á Tenerife, uppáhaldsstað Íslendinga, um þessar mundir. Hún kvaddi kuldann og leiðindaveðrið sem hefur herjað á íbúa höfuðborgarsvæðisins undanfarna daga og nýtur nú sólarblíðunnar ásamt börnum sínum og vinafólki. 

Salka birti myndir af sér í sandinum á ströndinni, í sólbaði og að leik við dóttur sína, á Instagram. 

„Sorry, að þið eruð í óveðri en ég gleymdi að setja sólarvörn á nebbann,“ skrifaði hún við myndina af sér. Það má segja þetta sannkallað lúxusvandamál og mun betra en að skafa rúðurnar á bílnum sínum. 

Það er ljúft á Tenerife. Samsett mynd