Stórsöngkonan Celine Dion stal senunni á Grammy-verðlaunahátíðinni í nótt þegar hún afhenti síðustu verðlaun kvöldsins, verðlaun fyrir plötu kvöldsins (e. Album of the year). Dion birtist óvænt á sviðinu í lokin, en komu hennar hafði verið haldið leyndri. 

Síðla árs 2022 var Dion greind með sjaldgæfa taugaröskun, Stiff Person Syndrome (SPS). Hún greindi sjálf frá sjúkdómsgreiningunni á Instagram í desember 2022. Söngkonan hefur aflýst tónleikum og lítið sést opinberlega frá því hún greindist. 

Þegar Dion, 55 ára, steig á svið í Crypto-höllinni í Los Angeles braust út mikill fögnuður og ákaft lófaklapp, en tilnefndir og aðrir gestir gáfu söngkonunni standandi lófaklapp. 

„Þegar ég segi að ég sé ánægð að vera hérna með ykkur, þá meina ég það frá hjartinu,“ sagði Dion áður en hún tilkynnti Taylor Swift sem sigurvegara fyrir plötu ársins.

Söngkonan fékk standandi uppklapp. AFP

Frétt af mbl.is

Celine Dion greind með taugaröskun

Frétt af mbl.is

Aflýsir aftur öllum tónleikum vegna veikinda

Frétt af mbl.is

Óvíst hvort Celine Dion stígi á svið aftur