Hinnar kynngimögnuðu Tinu Turner var minnst á Grammy-verðlaunahátíðinni á sunnudagskvöldið. Það var engin önnur en sjónvarpskonan og elskuleg vinkona Turner til margra ára, Oprah Winfrey, sem heiðraði minningu rokkgyðjunnar. 

Frétt af mbl.is

Tina Turner látin

Winfrey kynnti á svið söng- og leikkonuna Fantasiu Barrino sem flutti eitt þekktasta lag Turner, Proud Mary, við mikinn fögnuð áhorfenda, enda fáir haft jafnmikil áhrif á tónlistar- og afþreyingarmenningu heimsins. 

Frétt af mbl.is

Einstakur söngferill að baki

Sjónvarpskonan deildi skemmtilegu myndskeiði á Instagram frá æfingu Grammy-verðlaunanna, en þar sést Winfrey fylgjast með flutningi Barrino og tekur hún hvert danssporið, sem Turner gerði frægt, á fætur öðru. Winfrey brast í grát eftir flutninginn. 

Turner lést í maí í fyrra. Hún var 83 ára gömul. 

Frétt af mbl.is

Stjörnurnar syrgja Turner

Frétt af mbl.is

Heiðraðu Tinu Turner með þessum lögum