Það er ekki ólíklegt að nafnið Laufey verði algengara árið 2024 en áður. Þetta gæti gerst í kjölfar ótrúlegrar velgengni Laufeyjar að unanförnu en á sunnudaginn vann hún til Grammy-verðlauna.

Frægð fólks hefur í gegnum tíðina haft áhrif á nafnaval, meðvitað eða ómeðvitað. 

Eiður

Nafnið Eiður er nokkuð óalgengt en þegar knattspyrnustjarnan Eiður Smári Guðjohnsen var að gera það gott fengu fleiri drengir nafnið Eiður. 

Eiður Smári Guðjohnsen. mbl.is/Skapti Hallgrímsson

Vigdís

Dísarnafnið Vigdís er nokkuð hefðbundið og klassískt nafn. Fleiri stúlkur fengu þó nafnið eftir kjör Vigdísar Finnbogadóttur í embætti forseta Íslands. 

Hér má sjá Vigdisi Finnbogadóttur í forsetatíð sinni með Elísabetu Bretadrottningu. mbl.is/Brynjar Gauti

Birgitta

Nafnið Birgitta tók kipp í upphafi aldarinnar. Svo vildi til að þetta var á sama tíma og Birgitta Haukdal var vinsælasta kona landsins. 

Birgitta Haukdal. mbl.is/Arnþór

Baltasar

Í dag er hægt að finna Baltasar í flestum skólum. Líklegasta kenningin um vinældir nafnsins er frægð Baltasars Kormáks, leikara og kvikmyndagerðarmanns. 

Baltasar Kormákur. mbl.is/Arnþór

Díana

Margar stúlkur fengu prinsessunafnið Díana eftir að Díana prinsessa gekk að eiga Karl Bretaprins árið 1981. 

Díana prinsessa. AFP/CLAUDE COIRAULT

Hilmir 

Nafnið Hilmir varð vinsælt eftir að Hilmir Snær Guðnason varð vinsælasti leikari landsins.

Hilmir Snær Guðnason. mbl.is/Arnþór