Ferðaljósmyndarinn Gunnar Freyr Gunnarsson, betur þekktur sem Icelandic Explorer, heldur áfram að heilla netheima með mögnuðum náttúrumyndum sínum og ljósmyndum af eldgosinu á Reykjanesi, sem lýsir upp næturhimininn á Suðurnesjum. 

Frétt af mbl.is

Eldgos á Reykjanesskaga

Í gærmorgun birti hann ótrúlega ljósmynd á Instagram úr miðborg Reykjavíkur, þar sem Hallgrímskirkjuturn stendur upp úr fyrir miðri mynd. Í bakgrunni sést í háan skýstrók sem dansar við gíg eldgossins. 

„Jæja, þá byrjar þetta aftur,“ skrifaði Gunnar Freyr í upphafi færslunnar. „Hér má sjá fyrstu myndirnar mínar af nýja eldgosinu. Það sást mjög vel í morgun, alls staðar á höfuðborgarsvæðinu, og langaði mig því að nýta tækifærið og fanga stemninguna. Þetta er þriðja eldgosið á aðeins tveimur mánuðum. Það hófst kl 06 í morgun,“ skrifaði Gunnar Freyr einnig við færsluna sem hann birti í gærmorgun. 

Gunn­ar Freyr er með marga er­lenda fylgj­end­ur á Insta­gram-síðu sinni Icelandic Explor­er, en yfir 613.000 manns fylgja honum. Hann fær reglulega mikið hrós fyr­ir ljósmyndir sínar enda stórbrotnar og ævintýralegar. 

Gunnar Freyr birti aðra færslu í gærkvöldi sem sýndi fleiri myndir frá eldgosinu, en hann fór í þyrluflug yfir eldgosasvæðið.

Frétt af mbl.is

Gunnar tók trylltar myndir af gosinu