Alexei Navalní | 19. febrúar 2024
Fá ekki að sjá líkið þriðja daginn í röð
Skyldmennum rússneska stjórnarandstæðingsins Alexei Navalnís hefur í þrjá daga í röð verið meinað að sjá lík hans, að sögn teymis hans. Móður Navalnís var ekki hleypt inn í líkhúsið þar sem talið er að líkið sé geymt.
Fá ekki að sjá líkið þriðja daginn í röð
Alexei Navalní | 19. febrúar 2024
Setja bókamerki
Skyldmennum rússneska stjórnarandstæðingsins Alexei Navalnís hefur í þrjá daga í röð verið meinað að sjá lík hans, að sögn teymis hans. Móður Navalnís var ekki hleypt inn í líkhúsið þar sem talið er að líkið sé geymt.
Skyldmennum rússneska stjórnarandstæðingsins Alexei Navalnís hefur í þrjá daga í röð verið meinað að sjá lík hans, að sögn teymis hans. Móður Navalnís var ekki hleypt inn í líkhúsið þar sem talið er að líkið sé geymt.
Að sögn rússneskra fangelsisyfirvalda lést Navalní á föstudag eftir gönguferð í fangelsinu Arctic þar sem hann var í haldi.
Móðir hans, Lyudmila, ferðaðist þangað á laugardaginn en hefur enn ekki fengið að sjá líkið.
Navalní var helsti andstæðingur Vladimírs Pútíns Rússlandsforseta á stjórnmálasviðinu í landinu.
Rannsóknin framlengd
Rússneskir rannsakendur hafa sagt móður Navalnís og lögmönnum hans að rannsóknin á dauða hans „hafi verið framlengd”.
Talskona Navalnís greindi frá þessu í morgun.
„Það er ekki vitað hversu lengi hún mun halda áfram. Dánarorsökin er enn ókunn. Þau eru að ljúga, leika sér með tímann og reyna ekki einu sinni að fela það,” sagði talskonan Kira Yarmysh á samfélagsmiðlinum X.
