Bandaríska leikkonan Melissa McCarthy, 53 ára, er nýjasta Hollywood-stjarnan sökuð um að notfæra sér sykursýkislyfið Ozempic. Lyfið hefur hlotið mikilla vinsælda hjá liðsmönnum Hollywood-elítunnar og einnig meðal almennings í von um þyngdartap. 

McCarthy, sem fór með hlutverk Úrsúlu í leiknu kvikmyndinni um Litlu hafmeyjuna, deildi mynd af sér ásamt eiginmanni sínum, leikstjóranum Ben Falcone, á Instagram yfir helgina. 

Netverjum brá mörgum í brún yfir breyttu útliti McCarthy, en leikkonan, sem er ein af vinsælustu og virtustu leikkonum í skemmtanaiðnaðinum, sýndi myndarlegt þyngdartap sitt klædd demantaskreyttum samfesting. McCarthy klæddist hinni glæsilegu flík í áhorfspartí (e. viewing party) sem haldið var fyrir nýjasta þátt raunveruleikaseríunnar RuPaul's Drag Race, en hún er mikill aðdándi seríunnar. 

Í kjölfar Instagram-færslunnar upphófust miklar pælingar meðal netverja og ekki leið á löngu þar til athugasemdarkerfið var yfirfullt af spekúlasjónum og snerust allflestar um Ozempic og nýtt útlit leikkonunnar. 

McCarthy hefur verið þekkt fyrir að rokka upp og niður í þyngd í gegnum árin, en leikkonan hefur rætt það opinberlega að vilja komast í betra form, heilsunnar og fjölskyldunnar vegna.

Frétt af mbl.is

Sökuð um að notfæra sér Ozempic

Frétt af mbl.is

Kelly Clarkson sýndi breyttan líkama

Frétt af mbl.is

Oprah Winfrey notaði lyf til að léttast