Sala á hlut ríkisins í Íslandsbanka | 23. febrúar 2024
Stefnir á útboð í Íslandsbanka í ár
Áætlað er að sala ríkisins á sínum 42,5% hlut í Íslandsbanka verði framkvæmd í tveimur almennum útboðum. Þá er einnig áætlað að ríkið fari í fyrra söluútboðið á þessu ári. Mikil samstaða er innan ríkisstjórnarinnar um að klára sölu Íslandsbanka að fullu á þessu kjörtímabili.
Stefnir á útboð í Íslandsbanka í ár
Sala á hlut ríkisins í Íslandsbanka | 23. febrúar 2024
Setja bókamerki
Áætlað er að sala ríkisins á sínum 42,5% hlut í Íslandsbanka verði framkvæmd í tveimur almennum útboðum. Þá er einnig áætlað að ríkið fari í fyrra söluútboðið á þessu ári. Mikil samstaða er innan ríkisstjórnarinnar um að klára sölu Íslandsbanka að fullu á þessu kjörtímabili.
Áætlað er að sala ríkisins á sínum 42,5% hlut í Íslandsbanka verði framkvæmd í tveimur almennum útboðum. Þá er einnig áætlað að ríkið fari í fyrra söluútboðið á þessu ári. Mikil samstaða er innan ríkisstjórnarinnar um að klára sölu Íslandsbanka að fullu á þessu kjörtímabili.
Þetta segir Þórdís Kolbrún Reykfjörð Gylfadóttir, fjármála- og efnahagsráðherra, í samtali við mbl.is að loknum ríkisstjórnarfundi áðan.
Þórdís hefur efnt til samráðs í samráðsgátt stjórnvalda um drög að frumvarpi um ráðstöfun eftirstandandi eignarhlutar ríkisins í Íslandsbanka. Samkvæmt drögunum er ráðherra heimilað, að fenginni heimild Alþingis í fjárlögum, að ráðstafa þeim eignarhlut sem ríkissjóður á í Íslandsbanka.
Stefnt að tveimur útboðum
Spurð að því hvort að farið verði í útboð á þessu ári segir hún svo vera. „Við erum að leggja upp með það að minnsta kosti, ef þetta er gert í tveimur skrefum að fyrra skrefið sé á þessu ári, já,“ segir Þórdís.
Sem sagt tvö mismunandi útboð?
„Það er svona uppleggið að við – þetta er heimild að allt að öllu sem eftir stendur – en hvort að það er gert í einu eða tveimur skrefum, við gerum frekar ráð fyrir að þetta sé gert í tveimur skrefum, og þá er fyrra skrefið á þessu ári.“
Framtíð Bankasýslunnar ræðst í framhaldinu
Það var ákveðið eftir síðasta söluferli að það yrðu gerðar breytingar hlutverki Bankasýslu ríkisins og að hún yrði jafnvel lögð niður.
Í þessum tveimur fyrirhuguðum útboðum er ekki gert ráð fyrir þátttöku Bankasýslu ríkisins. Spurð hvort að Bankasýslan verði lögð niður segir hún að það verði að skoðast í framhaldi af sölunni.
„Í þessu frumvarpi er óskað heimildar fjármála- og efnahagsráðherra til þess að fara í þetta verkefni. Hvað síðan verður almennt er bara annað mál. Það er forgangsverkefni að klára þetta. Uppleggið er svona og aðferðin eins opin og gagnsæ og hugsast getur. Almenningur er í forgangi þegar kemur að því að bjóða í þetta og fara í þetta söluferli,“ segir Þórdís.
