Leikkonan Drea de Matteo, sem er einna þekktust fyrir hlutverk sitt í mafíuþáttunum Sopranos, greindi frá því í ágúst á síðasta ári að hún væri búin að stofna aðgang á áskriftarsíðu OnlyFans.  

Í nýlegu viðtali við Daily Mail sagðist Matteo vera óendanlega þakklát fyrir vefmiðilinn og að þegar hún hafi fyrst byrjað að birta efni á OnlyFans, rambaði hún á barmi gjaldþrots. „Ég átti tíu bandaríkjadali inni á bankabókinni og var við það að missa húsnæðið mitt,“ sagði leikkonan. 

Matteo, 52 ára, sagði einnig að aðgangurinn hafi verið síðasta úrræði til að bjarga heimili sínu.

Frétt af mbl.is

Sopranos-stjarna mætt á OnlyFans

Núna hefur leikkonan komið sér út úr greiðsluörðugleikum, greitt upp íbúðalán og létt á öllum afborgum, þökk sé OnlyFans. Það tók Matteo aðeins fimm mínútur frá því hún opnaði fyrir OnlyFans-aðganginn að græða nægan pening til að borga upp fasteignaskuldir sínar. 

Leikkonan selur erótískt efni og rukkar áskrifendur sína 25 bandaríkjadali á mánuði eða því sem samsvarar rétt rúmlega þrjú þúsund krónum. Matteo rukkar aukagjald fyrir sérstakar óskir.