Samtökin WeigthWatchers tilkynntu á fimmtudag að spjallþáttadrottningin Oprah Winfrey væri búin að segja sig úr stjórn samtakanna. Winfrey hefur verið stjórnarmeðlimur í hartnær tíu ár.

Engin opinber ástæða hefur verið gefin út en Winfrey greindi víst frá ákvörðun sinni fyrr í vikunni. Talsmenn WeightWatchers segja ákvörðunina ekki tengjast ágreiningi né nokkru sem tengist rekstri, stefnu eða starfsháttum þeirra.

Í yfirlýsingu frá WeightWatchers segir: „Winfrey hefur ávallt verið hvetjandi og áhugasamur talsmaður, bæði fyrir meðlimi okkar og samfélagið, þá sérstaklega þegar kemur að því að efla umræðu er snýr að heilsu og þyngd,” sagði forstjóri samtakanna Sima Sistani. 

Frétt af mbl.is

Oprah Winfrey notaði lyf til að léttast

Frétt af mbl.is

Ýtir undir umræðu um megrunarlyfið

Ákvörðun Winfrey um að slíta langtímasambandi sínu við Weightwatchers kemur aðeins nokkrum mánuðum eftir að hún viðurkenndi að hafa notfært sér megrunarlyf til að grennast.