Sigríður Dögg Arnardóttir, betur þekkt sem Sigga Dögg kynfræðingur, er landsmönnum vel kunn. Hún rekur vefsíðuna Betra kynlíf og er þekkt fyrir að ræða opinskátt um kynlífstengdan fróðleik.

Sigga Dögg fékk dásamlegt tækifæri til að fækka fötunum og fagna frelsinu á ferðalagi sínu um Argentínu nú á dögunum. Í gærdag birti hún myndskeið á samfélagsmiðlinum Instagram þar sem hún sést ganga nakin um stærsta nektarsvæði í heimi, Yatan Rumi í Cordóba-fylki í Argentínu. Sigga Dögg er ófeimin, sátt í eigin skinni og hvetur fólk óspart til að fagna eigin líkama.

„Nektinni og frelsinu var heldur betur fagnað í heimsins stærsta nektarsvæði Yatan Rumi í Cordóba fylki í Argentínu,“ skrifaði Sigga Dögg við myndskeiðið. „Og já, það er skrýtið að sjá eigin krumpaða rass,“ bætir hún við.