Gífurlegt álag hefur verið á bandarísku tónlistarkonunni Taylor Swift upp á síðkastið. Áhyggjufullir aðdáendur Swift segja hana andlega og líkamlega uppgefna, en tónlistarkonan virtist veikluleg og óstyrk á tónleikum sínum í Singapúr á mánudagskvöldið. 

Swift hefur verið í sviðsljósinu í tæp tuttugu ár. Hún kom fyrst fram á sjónarsviðið 2004, aðeins 14 ára gömul. Frá þeim tíma hefur Swift verið á fljúgandi siglingu, en síðustu ár hafa verið sérstaklega viðburðarrík og öflug, bæði innan tónlistargeirans og einkalífsins.

Frétt af mbl.is

Taylor Swift manneskja ársins hjá Time

Frétt af mbl.is

Hætt að fela ást sína

Tónlistarkonan var valin manneskja ársins 2023, fann ástina í örmum íþróttamannsins Travis Kelce, gerðist formlega milljarðamæringur og hóf gríðarlega farsælt tónleikaferðalag sitt, Eras Tour. Swift byrjaði tónleikaferðalag sitt í mars á síðasta ári og hefur ferðast vítt og breitt um heiminn í tæpt ár. Eras Tour lýkur um miðjan desembermánuð og er því nóg eftir.

Aðdáendum tónlistarkonunnar, hópurinn sem gengur undir nafninu Swifties, leist ekki á blikuna þegar myndskeið frá tónleikum hennar í Singapúr fóru að birtast á síðum samfélagsmiðla í gær.

Margir höfðu áhyggjur af því að Swift væri á leið að keyra sig í þrot, en tónlistarkonan er með þrjá tónleika til viðbótar á dagskrá í borginni áður en hún heldur í gott hvíldarfrí. Swift leggur af stað til Frakklands í maí en þá hefst tónleikaferðalagið að nýju.

Frétt af mbl.is

Eina konan á lista tekjuhæstu skemmtikrafta heims