Love is Blind-stjarnan Jessica Vestal fór í rómantíska ferð til Mexíkó með Too Hot To Handle-stjörnunni Harry Jowsey aðeins nokkrum mánuðum eftir tökur á sjöttu þáttaröð Love is Blind á Netflix.

Vestal hefur vakið þó nokkra athygli í raunveruleikaþáttunum sem hún ákvað að yfirgefa eftir að maðurinn sem hún féll fyrir, Jimmy Presnell, bað Chelsea Blackwell um að giftast sér.

Frétt af mbl.is

Glanni glæpur með annan tvífara úr raunveruleikaþáttum

Ekki lengur í ástarsorg

Þrátt fyrir að Vestal hafi yfirgefið þættina í ástarsorg fyrir nokkrum mánuðum virðist hún hafa náð að jafna sig ef marka má myndir sem birtust vef Page Six af henni og Jowsey í Mexíkó. 

Myndirnar hafa komið sumum aðdáendum hennar á óvart, en Vestal gaf nýverið í skyn að hún væri að stinga saman nefjum með öðrum keppanda úr þáttaröðinni. Hún vildi þó ekki gefa upp hver það væri.