Óhætt er að segja að flutningur kanadíska leikarans Ryan Gosling á laginu I'm Just Ken hafi slegið í gegn á Óskarsverðlaunahátíðinni í nótt. Lagið, sem er samið af Mark Ronson, var meðal tilnefndra. 

Frétt af mbl.is

Gosling flytur „I'm Just Ken“ á Óskarnum

Gosling, 43 ára, klæddist bleikum demantsskreyttum jakkafötum og söng lagið af mikilli innlifun. Leikarinn, sem var sjálfur tilnefndur fyrir hlutverk sitt í Barbie, fékk áhorfendur til að rísa úr sætum og syngja með. Margot Robbie, Greta Gerwig og Emma Stone voru meðal þeirra sem tóku undir með Gosling.

Frétt af mbl.is

Ken kom Gosling inn á vinsældarlista

Á sviðinu var leikarinn umkringdur hæfileikaríkum listamönnum. Höfundur lagsins, Mark Ronson, spilaði á gítar ásamt hljómsveit sinni og leikararnir Simu Liu og Kingsley Ben-Adir, sem fóru einnig með hlutverk Ken í Barbie, dönsuðu og sungu við hlið Gosling ásamt tugum dansara. 

Óvæntur leynigestur birtist síðan á sviðinu, en einn frægasti gítarleikari í heimi, Slash, mætti á svið og plokkaði strengina við mikinn fögnuð áhorfenda.

Hann er Ken! AFP