Uppskriftir | 12. mars 2024
Heitur mexíkóskur réttur með kjúklingi og hrísgrjónum
Hér er á ferðinni einfaldur og fljótlegur kjúklingaréttur sem kemur úr smiðju Thelmu Þorbergsdóttur matgæðings og er tilvalin kvöldmáltíð þegar lítill tími gefst til að elda. Uppskriftina gerði hún fyrir uppskriftavefinn Gott í matinn. Rétturinn er mildur, en fyrir þá sem vilja láta rífa aðeins í bragðlaukana er hægt að bæta fersku chilli eða meira chillikryddi saman við hrísgrjónin og kjúklinginn. Tilvalið er að bera réttinn fram með sýrðum rjóma og jafnvel hafa smá flögur í skál með ef vill.
Heitur mexíkóskur réttur með kjúklingi og hrísgrjónum
Uppskriftir | 12. mars 2024
Setja bókamerki
Hér er á ferðinni einfaldur og fljótlegur kjúklingaréttur sem kemur úr smiðju Thelmu Þorbergsdóttur matgæðings og er tilvalin kvöldmáltíð þegar lítill tími gefst til að elda. Uppskriftina gerði hún fyrir uppskriftavefinn Gott í matinn. Rétturinn er mildur, en fyrir þá sem vilja láta rífa aðeins í bragðlaukana er hægt að bæta fersku chilli eða meira chillikryddi saman við hrísgrjónin og kjúklinginn. Tilvalið er að bera réttinn fram með sýrðum rjóma og jafnvel hafa smá flögur í skál með ef vill.
Hér er á ferðinni einfaldur og fljótlegur kjúklingaréttur sem kemur úr smiðju Thelmu Þorbergsdóttur matgæðings og er tilvalin kvöldmáltíð þegar lítill tími gefst til að elda. Uppskriftina gerði hún fyrir uppskriftavefinn Gott í matinn. Rétturinn er mildur, en fyrir þá sem vilja láta rífa aðeins í bragðlaukana er hægt að bæta fersku chilli eða meira chillikryddi saman við hrísgrjónin og kjúklinginn. Tilvalið er að bera réttinn fram með sýrðum rjóma og jafnvel hafa smá flögur í skál með ef vill.
Mexíkóskur kjúklingaréttur með hrísgrjónum
Fyrir 6
- 4 dl hrísgrjón
- 1 tsk. chilli
- 1 tsk. paprikukrydd
- 1 tsk. cumin
- 1 stk. kjúklingakraftur
- 500 g eldaður kjúklingur, eða 3 bringur eldaðar og rifnar niður
- 400 g refried-baunir í dós
- 250 g Mexíkósk ostablanda frá Gott í matinn
- 400 g taco-sósa
- 200 g rjómaostur með graslauk og lauk frá MS
- 150 g gular baunir
- 1 tsk. salt
- ½ tsk. svartur pipar
- Nachos-flögur með ostabragði eftir smekk
- Ferskt kóríander eftir smekk
Aðferð:
- Setjið 4 dl af hrísgrjónum í pott ásamt 8 dl af vatni.
- Kryddið með chilli, papriku, cumin og kjúklingakrafti.
- Hrærið þar til allt hefur blandast saman.
- Látið suðuna koma upp á hrísgrjónunum. Þegar helmingurinn af vatninu er eftir á hrísgrjónunum setjið þá lokið yfir og slökkvið undir pottinum og látið þau eldast í gufunni.
- Skerið kjúklinginn smátt niður og setjið í skál ásamt baununum, helmingnum af ostablöndunni, taco-sósu, rjómaosti og gulum baunum og hrærið.
- Bætið hrísgrjónunum saman við ásamt salti og pipar og hrærið þar til allt hefur blandast vel saman.
- Setjið blönduna í eldfast mót og inn í ofn við 180°C hita í 20 mínútur.
- Takið réttinn út, setjið það sem eftir er af ostinum og mulið nachos yfir réttinn.
- Bakið í aðrar 10 mínútur eða þar til osturinn hefur náð að bráðna alveg.
- Skerið niður ferskan kóríander og dreifið yfir réttinn og berið fram heitan.
- Ef þið viljið vilja flýta fyrir má sjóða hrísgrjónin daginn áður, eða gera allan réttinn daginn áður og hita hann upp.
- Einnig er gott að bera réttinn fram með sýrðum rjóma.
- Njótið vel.
/frimg/1/50/21/1502102.jpg)
