Brynjar Barkarson, söngvari hljómsveitarinnar ClubDub, er genginn út. Sú heppna er engin önnur en Helga Þóra Bjarnadóttir, dóttir Bjarna Benediktssonar untanríkisráðherra Íslands. 

Brynjar skaust upp á stjörnuhimininn þegar hann stofnaði sveitina ClubDub ásamt vini sínum Aroni Kristni Jónssyni, en þeir hafa gefið út smelli á borð við Eina Sem Ég Vil ásamt Aroni Can, Aquaman og Clubbed Up. 

Helga Þóra er mikil tískudrottning og hefur verið að gera það gott á samfélagsmiðlum, en þau eru bæði með yfir fjögur þúsund fylgjendur á Instagram. Í gærkvöldi birti Helga Þóra fyrstu myndina af parinu saman á miðlinum með yfirskriftinni: „Við.“

Smartland óskar þeim innilega til hamingju með ástina!