Breski áhrifavaldurinn Lucy Carrington hefur vakið mikla athygli að undanförnu, en hún hefur verið dugleg að deila tískutengdu efni á samfélagsmiðla sína.

Carrington er búsett í Ástralíu ásamt dalmatíuhundinum Rio sem varð óvænt mikil stjarna á TikTok eftir að Carrington fór að deila myndböndum þar sem hún klæddi sig í stíl við Rio. 

Myndböndin hafa vakið mikla athygli og hefur vinsælasta myndbandið fengið yfir tíu milljónir áhorfa á TikTok. Carrington klæðir sig iðulega í sama lit eða svipað snið og Rio, en myndböndin sprengja alla krúttskala og hafa glatt dýravini um allan heim.