Uppskriftir | 19. mars 2024
Syndsamlega góðir snúðar með glassúr
Þessir snúðar með fyllingu og glassúr eru syndsamlega góðir. Þeir er dúnmjúkir og svo ljúffengir að þeir bráðna í munni. Berglind Hreiðars hjá Gotterí og gersemar á heiðurinn af þessari dásamlegu uppskrift og er búin að setja snúðana í páskabúning.
Syndsamlega góðir snúðar með glassúr
Uppskriftir | 19. mars 2024
Setja bókamerki
Þessir snúðar með fyllingu og glassúr eru syndsamlega góðir. Þeir er dúnmjúkir og svo ljúffengir að þeir bráðna í munni. Berglind Hreiðars hjá Gotterí og gersemar á heiðurinn af þessari dásamlegu uppskrift og er búin að setja snúðana í páskabúning.
Þessir snúðar með fyllingu og glassúr eru syndsamlega góðir. Þeir er dúnmjúkir og svo ljúffengir að þeir bráðna í munni. Berglind Hreiðars hjá Gotterí og gersemar á heiðurinn af þessari dásamlegu uppskrift og er búin að setja snúðana í páskabúning.
Það er vel hægt að mæla með þessum og upplagt að bjóða upp á snúðana með kaffinu á vinnustaðnum ef ykkur langar að brjóta upp hversdagsleikann og gleðja vinnufélagana. Eða bjóða heim í páskakaffi og taka forskot á sæluna fyrir súkkulaðihátíðina miklu.
Berglind deildi með fylgjendum sínum á Instagram-síðu sinni þessu myndbandi sem kitlar bragðlaukana.
Snúðar með glassúr
18-20 stk
Snúðadeig
- 750 g hveiti
- 70 g sykur (+ 1 msk með gerinu)
- ½ tsk. salt
- 250 ml nýmjólk
- 250 ml vatn
- 1 poki þurrger (um12 g)
- 80 g smjör (brætt)
- 1 tsk. kardimommudropar
- Matarolía
Aðferð:
- Hrærið hveiti, sykri og salti saman í skál og leggið til hliðar.
- Hitið mjólk og vatn saman þar til það velgist, hrærið þá 1 msk. af sykri og þurrgerinu saman við og leyfið að standa í um 5 mínútur.
- Blandið næst öllu saman, þurrefnum, gerblöndu, smjöri og kardimommum og hrærið með króknum í nokkrar mínútur.
- Penslið stóra skál að innan með matarolíu og veltið deigkúlunni upp úr henni, plastið síðan skálina og leyfið að hefast við stofuhita í 40 mínútur.
- Stráið hveiti á borðið og ýtið deiginu varlega til hliðanna með fingrunum þar til það myndar ferhyrning sem er um 40 x 60 cm.
- Penslið með smá bræddu smjöri og setjið fyllinguna á deigið (sjá hráefni hér fyrir neðan)
- Rúllið lauslega upp og skerið niður í um 3 cm þykka snúða.
- Raðið snúðunum á ofnplötur með gott bil á milli og setjið inn í 50°C heitan ofn í 30 mínútur til hefunar. Gott er að setja um 100 ml af vatni í botninn á ofninum til að halda raka í honum á meðan snúðarnir hefast stendur.
- Takið snúðana síðan út og hækkið hitann í 200°C á ofninum og bakið þá í 12-14 mínútur eða þar til þeir gyllast vel á köntunum.
- Leyfið að kólna áður en þið setjið glassúr ofan á og síðan er fallegt að skreyta með karamellukurli og/eða söxuðum súkkulaðieggjum.
- Berið fram á fallega dekkað borð og njótið.
Fylling í snúða
- 40 g brætt smjör
- 80 g sykur
- 80 g púðursykur
- 1 ½ msk. kanill
Aðferð:
- Penslið deigið með bræddu smjörinu.
- Hrærið saman báðum tegundum af sykri og kanil, dreifið jafnt yfir deigið.
Súkkulaðiglassúr
- 250 g flórsykur
- 80 g brætt smjör
- 2 msk. bökunarkakó
- 1 tsk. vanilludropar
- 3 msk. heitt vatn
Aðferð:
- Pískið allt saman í skál þar til kekkjalaust.
- Bætið flórsykri við ef þið viljið þykkari glassúr og smá heitu vatni ef það þarf að þynna betur.
Glassúr
- 250 g flórsykur
- 3-4 msk. nýmjólk
- Matarlitur
Aðferð:
- Pískið allt saman í skál þar til kekkjalaust.
- Bætið flórsykri við ef þið viljið þykkari glassúr og smá rjóma ef það þarf að þynna betur.
/frimg/1/52/48/1524861.jpg)
