Það eru örugglega einhverjir sem þekkja nafnið en þessi smoothies-skál er innblásin af smoothie af matseðlinum hjá Ísey skyrbar. Þessi skál er í uppáhaldi hjá mörgum og því kærkomið að fá tillögu að uppskrift og útbúa skálina heima. Uppskriftin kemur úr smiðju Hildar Ómarsdóttur sem heldur úti uppskriftasíðunni Hildur Ómars. Hjá Hildi er þessi smoothie mjög vinsæll á heimilinu en eins og Hildur segir réttilega getur verið dýrt að kaupa tilbúinn smoothie fyrir fjögurra manna fjölskyldu oft í mánuði.

Ísey notar eplasafi úr kreistum eplum í smoothie-inn en til einföldunar hefur Hildur haldið sig við eitt eldhústæki til að græja fram þennan smoothie og notað heila appelsínu í staðinn fyrir eplasafa og það kemur alls ekki niður á bragðinu.

Kostir við að gera sína eigin skál

Það er auðvitað ótrúlega þægilegt og fljótlegt að kaupa sér tilbúna smoothies-skál á ferðinni en eins og Hildur bendir á eru alls konar kostir sem fylgja því að gera smoothies-skál heima, það er bæði ódýrara en einnig gefur það svigrúm til að velja hráefnið og gera t.d. lífrænni útgáfu eins og hér fyrir neðan og þú getur toppað skálina með þínu eftirlæti.

Girnileg smoothies-skálin hennar Hildar. Ljósmynd/Hildur Ómars