Katrín prinsessan af Wales hefur greinst með krabbamein. Hún er í meðferð vegna þessa. BBC greinir frá.

Katrín segir frá þessu í tilkynningu á samfélagsmiðlum en meðferðin er nýlega hafin.

Henni segist líða vel og vera að styrkjast dag frá degi. Engu að síður hafi fréttirnar verið ákveðið áfall fyrir hana og síðustu mánuðir hafi verið ótrúlega erfiðir.

Frétt af mbl.is

Höllin á svörtum lista

Óvíst hvernig krabbamein sé um að ræða

Ekki hefur verið greint frá því hvers kyns krabbamein Katrín sé með, en í tilkynningu Kensington hallar segir að talið sé að hún nái fullum bata.

Katrín fór í aðgerð á kviðarholi í janúar, en hún segir að ekki hafi verið vitað af krabbameininu þá.

„Eftir aðgerðina kom þó í ljós að krabbamein hafi verið til staðar,“ segir Katrín. Þá hafi henni verið ráðlagt að hefja strax geislameðferð, sem hún gerði fyrir stuttu.

Í tilkynningu frá Kensingtonhöll segir að tilkynning Katrínar hafi verið tekið upp á miðvikudaginn með aðstoð BBC.

Frétt af mbl.is

Óska eftir aðkomu lögreglu í máli Katrínar