Flaggað var í hálfa stöng við rússneska sendiráðið í Reykjavík í dag vegna hryðjuverkaárásar Ríki íslams við borgarmörk Moskvu, höfuðborgar Rússlands, í gær.

„Við erum niðurbrotin eftir skelfilega harmleikinn sem átti sér stað 22. mars í Crocus City-tónleikahöllinni í Moskvu,“ segir í tilkynningu frá sendiráðinu.

„Við sendum samúðarkveðjur til fjölskyldna fórnarlambana og óskum öllum þeim sem særðust fullum bata.“

Starfsmenn sendiráðsins segjast þakklátir umhyggjusömu samlöndum sínum og Íslendingum sem samhryggjast með rússnesku þjóðinni og hafa boðið einlægt fram stuðning sinn. 

Frétt af mbl.is

Pútín tjáir sig um hryðjuverkin

Rafræn bók fyrir samúðarkveðjur

Sendiráðið hefur sett á laggirnar rafræna bók ætlaða samúðarkveðjum.

Hægt er að senda samúðarkveðjur á netfang sendiráðsins, reykjavik@mid.ru, fram á mánudag.