Alexander Lúkasjenkó, forseti Hvíta Rússlands, segir hryðjuverkamennina í Moskvu hafa reynt að flýja til Hvíta-Rússlands eftir ódæðið.

Hryðjuverkamennirnir sem ábyrgir eru fyrir stórfelldum fjöldamorðum í tónleikahöll í Moskvu á föstudaginn eru nú í haldi rússneskra stjórnvalda.

Lúkasjenkó segir þá hafa ætlað að sleppa frá Rússlandi með því að fara fyrst til Hvíta-Rússlands, en hafi neyðst til að snúa við vegna varðstöðva við landamæri ríkjanna tveggja.

Frétt af mbl.is

Ferðuðust án takmarkana til Rússlands

Dregur úr trúverðugleika staðhæfinga Pútíns

„Þess vegna gátu þeir ekki komist inn í Hvíta-Rússland. Þeir áttuðu sig á því. Þess vegna sneru þeir við og fóru á inn á landssvæði á landamærum Rússlands og Úkraínu,“ sagði Lúkasjenkó.

Þykir þessi fullyrðing Lúkasjenkó draga enn frekar úr trúverðugleika staðhæfinga Pútíns Rússlandsforseta um að hryðjuverkamennirnir hafi ætlað sér að fara til Úkraínu að ódæðunum afloknum.

Frétt af mbl.is

Pútín tjáir sig um hryðjuverkin

Frétt af mbl.is

Selenskí tjáir sig um ásakanir Pútíns