Heiður­inn af vikumat­seðlin­um að þessu sinni á Ágúst Reynisson veitingamaður á Grillmarkaðinum. Hann og konan hans leggja mikið upp úr því að borða hollan og góðan mat og matreiða hann frá grunni eins og hægt er. Vikumatseðillinni er í anda þess og lýsir vel þeirra venjum.

Bjórnaut frá Hvammi á Grillmarkaðinum

Ágúst, alla jafna kallaður Gústi, hefur verið viðloðandi við veitingahúsarekstur frá unga aldri. „Mig dreymdi um að opna veitingastað á unglingsárum og eftir það rættist, árið 2003  þegar ég opnaði Sjávarkjallarann, er ég búinn að vera djúpt sokkinn í þessum bransa. Ég er alltaf með nokkur verkefni í gangi í einu og nokkrar hugmyndir sem eru á í kortunum þannig að það er aldrei lognmolla kringum mig. Er búinn að sætta mig við að ég mun aldrei slaka á. Aðalverkefnið mitt er samt alltaf Grillmarkaðurinn og þessa dagana eru spennandi hlutir í gangi þar. Við erum núna að byrja á „Off Menu“  þar sem við ætlum að bjóða upp á Bjórnaut frá Hvammi  í Ölfusi en nautin þar eru alin upp á bjór og hrati af bjór. Kjötið er með bjórkeim, meyrt og mikið fitusprengt. Gaman er að geta boðið upp á nýjungar og matseðillinn á Grillmarkaðinum er ávallt í stöðugri þróun.

Þessa dagana er ég einnig í skemmtilegu verkefni að opna pílustað í Kringlunni sem ber heitið „Oche“ og er staðurinn með starfstöðvar um allan heim. Síðan er ég með gæluverkefni í gangi í víninnflutningi en ítölsku Zenato vínin eru búin að slá í gegn fljúga þau úr hillum Vínbúðarinnar hér heima. En Zenato La Trattoria á Hafnartorgi er einmitt samstarfsverkefni vínbóndans Alberto Zenato og okkar og er frábært konsept sem hefur slegið í gegn. Bráðum munu farþegar í Keflavík geta notið þessa líka, en við munum opna þar í byrjun sumars,“ segir Gústi sem er orðinn spenntur að geta frumsýnt allar nýjungarnar sem eru í gangi.

Borðar stundum eina máltíð á dag

„Mín fjölskylda elskar að borða góðan mat og ég og konan mín erum alltaf að reyna að borða hollan og einfaldan mat. Við skoðum mikið allar innihaldslýsingar á umbúðum og reynum að sleppa við unna matvöru eins og þegar við erum með „Taco“ kvöld þá útbúum oftast allt frá grunni sjálf. Ég tek áskoranir á hverju ári og nú er ég mikið fyrir að fasta, þá er eina reglan er að reyna borða ekki eftir klukkan 19.00 og svo stundum borða ég bara eina máltíð að dag. En á ferðalögum er allt leyfilegt. Þessi matseðill sem ég valdi lýsir svolítið okkar venjum,“ segir Gústi að lokum.

Mánudagur -  Ofnbakaður lax

Ofnbakaður lax er ávallt ljúffengur og kærkomin í upphafi nýrrar viku. Ljósmynd/Unsplash

Frétt af mbl.is

Saðsamur og góður ofnbakaður lax

Þriðjudagur -  Einfalt og fljótlegt kjúklingasalat

Einfalt og ljúffengt kjúklingasalat að hætti Lindu Ben. Ljósmynd/Linda Ben

Frétt af mbl.is

Einfalt og fljótlegt kjúklingasalat sem bragð er að!

Miðvikudagur -  Pönnusteikt rauðspretta með smælki

Steikt rauðspretta með smælki og grænmeti er nærandi og góð máltíð. mbl.is/Eggert Jóhannesson

Frétt af mbl.is

Pönnusteikt rauðspretta með smælki

Fimmtudagur – Parmesamkjúklingur að hætti þingmannsins

Syndsamlega góður kjúklingur með parmesan að hætti Þorbjargar Sigríðar þingmanns. Ljósmynd/Þorbjörg Sigríður

Frétt af mbl.is

Kjúklingur í parmesan uppáhalds hjá þingmanninum

Föstudagur - Kjúklingabauna taco með avókadó límónukremi og chilli

Girnilegt taco sem steinliggur. Ljósmynd/Valla Gröndal

Frétt af mbl.is

Kjúklingabauna-taco með avókadó-límónukremi og chili

Laugardagur - Grillað nauta-ribeye með aspas og avókadósalsa

Guðdómlega gott nauta-ribeye borið fram aspas og avókadósalsa. Ljósmynd/mbl.is

Frétt af mbl.is

Grillað nauta rib-eye með aspas og avókadósalsa

Sunnudagur -  Lambalæri sem allir ráða við

Lambalærið er hinn fullkomni sunnudagsmatur og allra best á einfalda mátann. Ljósmynd/Berglind Hreiðars

Frétt af mbl.is

Bakað lambalæri með bernaise og grænmeti á einfalda mátann