Nóttin rankaði við sér eftir súkkulaðikóma seint á annan í páskum. „Betri eru mörg hönnunarpáskaegg í maga en eitt ódýrt á borði,“ segir gott orðatiltæki sem Nóttin lifir eftir um páskana. Páskavikan hófst á stuttri ferð til Póllands þar sem hún bjúgaði sig vel upp á bjór. 

Nóttin er ekki þekkt fyrir fótboltaáhuga en fúlsar ekki við fríum utanlandsferðum í boði pabba. Hún sagði því ekki nei þegar pabbi bauð til Póllands á landsleik. Nóttin og pabbi fara auðvitað alltaf í Loungið, þótt það sé orðið eins og BSÍ, en þar var Bassi Maraj sem var líka á leiðinni á landsleikinn. Willum Þór Þórsson, heilbrigðisráðherra og fyrrverandi fótboltaþjálfari, skellti sér á leikinn enda þingið alltaf í svo löngum fríum. Með honum í för var eiginkona hans, Ása Brynjólfsdóttir rannsóknar-og þróunarstjóri hjá Bláa lóninu. Baldur og Felix voru mættir alla leið til Póllands til að safna atkvæðum. Halla Hrund Logadóttir, orkumálastjóri virtist líka vera að safna atkvæðum þótt hún lægi undir feldi á þessu augnabliki í Leifsstöð.

Bassi Maraj fór á leikinn og var í miklu stuði í Leifstöð. skjáskot/Instagram

Halla Hrund Logadóttir í stúkunni í Wroclaw í miklu stuði eins og sést. Ljósmynd/Aðsend

Í framboðspartíinu fyrir leikinn var Nóttin farin að sjá eftir því að hafa beilað á stefnumóti sem hún átti á veitingastaðnum Bastard. Þar var auðvitað mjög góð stemning en hún frétti af Eiði Smára Guðhjonsen í góðum gír eins og honum er einum lagið. Ísland tapaði og voru allir nema Nóttin voða blúsaðir yfir því. Nóttin var frekar fegin enda langar hana að gera eitthvað annað en að horfa á fótbolta í meðvirknistemningu allt næsta sumar. 

Miðvikudagurinn fór í sofa af sér Póllandsferðina en þegar Nóttin hitti vinkonu í löns á Kjarvalsstöðum á skírdag var tekin skyndiákvörðun um að bruna á Ísafjörð eða Ibizafjörð eins og hann er kallaður. Það var ekki sami ferðahugur á Birtu Líf Ólafsdóttur teboðsgellu sem leit ekki út fyrir að vera missa af lífinu eins og Nóttin. 

Sunneva Eir Einarsdóttir og Birta Líf Ólafsdóttir halda úti hlaðvarpinu Teboðið.

Það er víst miklu meira töff að keyra í einhverja sex tíma til Ísafjarðar en að fljúga til Akureyrar og gista á lúxushóteli. Best var auðvitað að hitta uppáhaldsforseta Nóttarinnar, Guðna Th. Jóhannesson. Eliza Reid var hins vegar fjarri góðu gamni enda stödd í Riga. Una Sig­hvats­dótt­ir, sér­fræðing­ur hjá embætti for­seta Íslands sem mætti í breskum útivistarjakka og Greipur Gíslason smartasti maður Íslands var að sjálfsögðu aðalmaðurinn á Ibizafirði enda á hann íbúð í sama húsi og fyrrverandi forsetinn, Ólafur Ragnar Grímsson og Guðmundur Fertram. Ólafur Ragnar var hinsvegar ekki á Ibizafirði um páskana heldur í afmæli Atla Steins Guðmundssonar blaðamanns á Morgunblaðinu sem haldið var í Hörpu á laugardagskvöldið. Gestum fannst hann óþarflega mikið í símanum og óþarflega lítið að blanda geði við landsmenn (enda ekki í framboði - bara í eftirspurn). 

Mugison, Guðni Th. Jóhannesson og Kristján Freyr Halldórsson í góðu stuði á Ibizafirði. Ljósmynd/Facebook

Frétt af mbl.is

Harpa mældist á Richter

Frétt af mbl.is

Guðmundur Fertram og Ólafur Ragnar orðnir nágrannar

Greipur Gíslason á íbúð í sama húsi og Ólafur Ragnar og Guðmundur Fertram. Hann var að sjálfsögðu á Ibizafirði.

Hjónin Pálmi Freyr Randversson framkvæmdastjóri Kadeco og Guðbjörg Björnsdóttir, eigandi Saga Story House voru líka á Ibizafirði. Guðmundur Fertram Sigurjónsson, forstjóri Kereceis er þekktur fyrir að fara ekki suður og það gerði hann ekki þess helgi. Guðmundur Óskarsson framkvæmdastjóri hjá Kerecis var einnig á svæðinu og líka Ingi­björg Ásdís Ragn­ars­dótt­ir framkvæmdastjóri hjá VÍS. Hjónin Grímur Atlason og Helga Vala Helgadóttir létu sig ekki vanta. Bolli Már Bjarnason, uppistandari og útvarpsstjarna, og Berglind Halla Elíasdóttir leikkona voru líka mættust. 

Halla Tómasdóttir forsetaframbjóðandi sýndi landsbyggðarhliðina þegar hún var mættust á Ibizafjörð í Garðabæjarúlpu eins og kærastan hans pabba á. Þessi úlpa passar svo vel yfir ofurkonujakkann og lituðu gleraugun. Halla bakaði pönnukökur með Alberti Eiríkssyni og Bergþóri Pálssyni á milli þess sem hún safnaði atkvæðum á djamminu. Guðforeldrar íslensku sumarkonunnar, hið ofursmarta hönnunarpar, Bergþóra Guðnadóttir og Jóel Pálsson í Farmers Market voru líka á Ibizafirði og líka Sigríður Hjálmarsdóttir og Halldór Halldórsson. Þar var líka Ágúst Ólafur Ágústsson og Jóhanna Bryndís Bjarnadóttir tannlæknir. Dalla Ólafsdóttir Ragnars Grímssonar og Vigdís Jakobsdóttir stjórnandi Listahátíðar í Reykjavík. Margrét Jónasdóttir aðstoðardagskrárstjóri Rúv og var líka á Ibizafirði í mjög miklu stuði. 

Ari Fenger forstjóri 1912. Ljósmynd/Haraldur Guðjónsson

Þriðjudagur eftir páska er upprisa í dagatali Nóttarinnar, nýársdagur númer tvö í hennar eigin tímatali. Það voru fleiri en Nóttin sem ákváðu að ná af sér súkkulaðinu og lambakjötinu í World Class í Laugum á þriðjudaginn. Forstjóraklúbburinn er alltaf á sínum stað í Laugum en Ari Fenger forstjóri 1912, Þór Sigfússon forstjóri, voru á staðnum. Þorsteinn M. Jónsson, eða Steini í Kók eins og pabbi kallar hann, var líka í ræktinni. Gunni Hilmars tónlistarmaður mætti einnig sem og Arnar Gauti tískulögga en þeir tveir eru búnir að vera eins og samloka með skinku og osti í 40 ár. Eina þokkadísin á svæðinu, fyrir utan Nóttina náttúrlega var Hödd Vilhjálmsdóttir almannatengill.