Björgvin Halldórsson arkitekt hannaði 413 fm einbýli við Almannakór í Kópavogi. Húsið var reist 2014 og var ekkert til sparað til þess að húsið yrði sem glæsilegast. Húsið hlaut viðurkenningu umhverfis- og samgöngunefndar Kópavogs 2016 fyrir hönnun. Björn Jóhannsson landslagsarkitekt hannaði lóðina í kringum húsið en þar er að finna verandir, skjólveggi og heitan pott svo einhver þægindi séu nefnd. 

Þegar inn í húsið kemur tekur við heill heimur með ýmsum skemmtilegilegum smáatriðum sem vert er að veita athygli. Innanhússarkitektinn Hanna Stína hannaði húsið að innan en umfjöllun um það birtist á Smartlandi 2016. 

Í eldhúsinu mætast hvítar sprautulakkaðar innréttingar og innréttingar úr hnotu. Kvartssteinn er á eyjunni í eldhúsinu en innréttingarnar í húsinu voru sérsmíðaðar hjá Smíðaþjónustunni. 

Í húsinu er lagt mikið upp úr lýsingu en þar er að finna næturljós sem eru birtustýrð. Há lofthæð er á báðum hæðum hússins og eru sérvaldar strimlagardínur í öllum gluggum. 

Sjá nánar af fasteignavef mbl.is: Almannakór 11