Orðrómur um yfirvofandi skilnað poppstjörnunnar Justin Bieber og fyrirsætunnar Hailey Baldwin er með öllu ósannur að sögn náins vinar hjónanna. Sá segir þau vera „mjög, mjög hamingjusöm“. 

Frétt af mbl.is

Aftur byrjaður að hitta gamla kærustu

„Þau eru ekki að skilja. Þessi saga er bara tilbúningur,“ sagði innanbúðarmaður við bandaríska tímaritið People. 

Bieber, eitt helsta fóður slúðurblaðanna síðustu ár, kvæntist Baldwin í september 2018 eftir slitrótt og nokkuð dramatískt samband, en parið byrjaði saman tveimur árum áður og aðeins vikum eftir að Bieber hætti með leik- og söngkonunni Selenu Gomez.

Bieber og Baldwin gengu í hjónaband við hátíðlega en leynilega athöfn í ráðhúsi í New York. 

Frétt af mbl.is

Justin Bieber og Hailey Baldwin eru trúlofuð

Þann 1. mars síðastliðinn fagnaði söngvarinn 30 ára afmæli sínu. Í tilefni dagsins birti Baldwin hjartnæma færslu á In­sta­gram til heiðurs eiginmanni sínum ásamt krúttlegum myndum af hjónakornunum í gegnum árin.