Sigurjón Ernir Sturluson og Simona Vareikaité, hlauparar og eigendur UltraForm, gengu í það heilaga við fallega athöfn í Innri-Hólmskirkju í Hvalfjarðarsveit þann 6. apríl síðastliðinn. Að athöfn lokinni tóku við mikil veisluhöld og ef marka má myndir leiddist engum. 

Það er óhætt að segja að líf hjónanna hverfist um heilsu og hreyfingu, en Sigurjón er í hópi fremstu utanvegahlaupara hér á landi og á síðustu árum hafa þau Simona tekið þátt í fjölda keppnishlaupa um allan heim og bæði náð frábærum árangri.

Kynntust í ræktinni og reka nú líkamsræktarstöð

Sigurjón og Simona kynntust í ræktinni fyrir þó nokkrum árum síðan, en í dag reka þau líkamsræktarstöðina UltaForm saman og eiga eina dóttur, Líf, sem er fimm ára gömul. 

Frétt af mbl.is

„Þegar ég erfiða hugsa ég til fjölskyldunnar“

Hjónin birtu um helgina fallegar myndir frá stóra deginum á Instagram-síðu sinni, en það var Sunday & White Weddings sem sá um að taka brúðarmyndirnar.

Smartland óskar þeim innilega til hamingju með ástina!