Sigríður Marta Harðardóttir, eigandi verslunarinnar Elley á Seltjarnarnesi, fékk góða gesti í heimsókn á dögunum.

Forseti og forsetafrú, Guðni Th. Jóhannesson og Eliza Reid, heiðruðu Seltjarnarnesið með opinberri heimsókn í tilefni af 50 ára kaupstaðarafmæli Seltjarnarnesbæjar. Þór Sigurgeirsson bæjarstjóri tók á móti forsetahjónunum og fór með þau vítt og breitt um bæinn. 

Forsetahjónin heimsóttu bæjarskrifstofur Seltjarnarnesbæjar, grunnskóla, dvalarheimili sem og fjölda annarra stofnana og fyrirtækja. Guðni og Eliza kynntu sér einnig starfsemi Elleyjar, verslun rekin alfarið í sjálfboðastarfi og allur ágóði rennur beint til Kvennaathvarfsins.

Forsetafrúin eyddi dágóðum tíma í að skoða sig um og máta. Eliza verslaði sér meðal annars fallegan jakka og styrkti með því mikilvægt starf Kvennaathvarfsins.

Frétt af mbl.is

Verslunin rekin alfarið í sjálfboðastarfi

Forsetafrúin styrkti Kvennaathvarfið

Elley deildi færslu á Facebook-síðu sinni og birti myndir frá heimsókn forsetahjónanna. 

„Er fyrrum jakkinn þinn á Bessastöðum?

Forseti Íslands, Guðni Th. Jóhannesson og Eliza Reid forsetafrú heiðruðu Seltjarnarnesið með opinberri heimsókn í tilefni af 50 ára kaupstaðarafmæli Seltjarnarnesbæjar þann 9. apríl sl. Þór Sigurgeirsson bæjarstjóri tók á móti forsetahjónunum og bauð þau velkomin á nesið og kynnti þeim vel fyrir samfélaginu.

Forsetahjónin kynntu sér meðal annars starfsemi Elley og var það virkilega gaman að sýna þeim hversu vistvænt og samhent samfélag Seltjarnarnesið er. Forsetafrúin styrkti síðan Kvennaathvarfið með því að versla sér m.a. fallegan jakka.“