Knattspyrnukonan Berglind Björg Þorvaldsdóttir og unnusti hennar Kristján Sigurðarson slökkviliðsmaður eignuðust son í desember síðastliðnum. Drengurinn er fyrsta barn parsins og hefur nú fengið nafn.

Frétt af mbl.is

Sonur Berglindar og Kristjáns fæddur

Berglind og Kristján opinberuðu nafnið í sameiginlegri færslu á Instagram, en drengurinn heitir Þorvaldur Atli Kristjánsson. Með færslunni birtu þau fallega myndaröð frá deginum. 

Gengur í raðir Vals frá París Saint-Germai

Auk þess að spila með íslenska kvennalandsliðinu í knattspyrnu hefur Berglind spilað með franska stórliðinu París Saint-Germai frá árinu 2022. Áður en hún fór í barneignarleyfi fékk hún þó lítið að spreyta sig með liðinu, en í síðustu viku var greint frá því að Berglind væri að ganga í raðir Vals frá franska félaginu. 

Frétt af mbl.is

Frá París til Hlíðarenda

Fjölskylduvefur mbl.is óskar þeim innilega til hamingju!