Evrópusambandið vill að það verði á nýjan leik auðvelt fyrir ungt fólk að búa, stunda nám og vinna í Bretlandi og öfugt.

Þetta frelsi skertist eftir að Bretar ákváðu að ganga út úr ESB í Brexit.

Þegar Bretar yfirgáfu ESB formlega árið 2020 var ein breytingin sem borgarar ESB-ríkja fundu hvað mest fyrir sú að þeir gátu ekki lengur ferðast eins þeir vildu til Bretlands til að stunda þar nám eða vinna.

Fólk á gangi í Lundúnum. AFP

Framkvæmdastjórn ESB segir koma tíma til að breyta þessu, að minnsta kosti fyrir þá sem eru 18 til 30 ára. Hún vill að þær 27 þjóðir sem eru í ESB samþykki viðræður um málið eftir að bresk stjórnvöld lýstu yfir áhuga á auknum hreyfanleika ungs fólks á milli landa.

Bretland yfirgaf samtökin Erasmus, þar sem stúdentar stunda nám í öðrum löndum, eftir Brexit. Framkvæmdastjórn ESB segir að ef Bretar vilja ganga aftur þangað inn þá sé hún opin fyrir hugmyndinni.

Bresk stjórnvöld virðast þó ekki vera tilbúin í þá hugmynd og segjast frekar vilja ræða við hvert land fyrir sig um málið.