Danska fyrirtækið Dagrofa, endursöluaðili First Price, hefur í samráði við Krónuna, Heilbrigðiseftirlit Garðabæjar, Hafnarfjarðar, Kópavogs, Mosfellsbæjar og Seltjarnarness, innkallað First Price hörfræ af markaði þar sem magn sýaníðs eða blásýru (HCN) mældist yfir viðmiðunarmörkum. Þessi varrúðarráðstöfun á eingöngu við lotu merkta Best fyrir: 05 2025.  

Þetta kemur fram í tilkynningu. 

Hörfræ innihalda að staðaldri snefil af sýaníði, sem kemur aðalega frá sýaníðmyndandi glýkósíðum. Þegar fræin eru skemmd eða tuggin, breyta ensím þessum glýkósíðum í sýaníð. Meðalmagn af sýaníði í hörfræjum er almennt mjög lágt og öruggt til neyslu. Athuga skal að eldunarhættir, eins og að baka eða sjóða, sjá til þess að draga úr magni af sýaníði í hörfræjum. 

Eftirfarandi upplýsingar auðkenna vörurnar sem innköllunin einskorðast við:  

• Vöruheiti: First Price hörfræ 
• Vörumerki: First price 
• Nettómagn: 250 g 
• Framleiðandi: Rol - Ryz Sp. Z.o.o. 
• Innflytjandi: Krónan, Dalvegi 10-14 
• Framleiðsluland: Pólland 
• Lotunúmer/best fyrir dagsetningar: 05 2025 
• Geymsluskilyrði: Geymist á þurrum stað. 
• Dreifing: Allar verslanir Krónunnar 

„Viðskiptavinum sem hafa verslað vöruna í verslunum Krónunnar er bent á að skila þeim í viðkomandi verslun gegn fullri endurgreiðslu. Krónan biður viðskiptavini sína afsökunar á óþægindum sem þetta kann að valda. 

Fyrir nánari upplýsingar um innköllun vörunnar er hægt að senda tölvupóst á netfangið innkallanir@kronan.is,“ segir í tilkynningu.