Það væsir ekki um athafnakonuna og áhrifavaldinn Tönju Ýr Ástþórsdóttur og kærasta hennar, Ryan Amor, sem eru um þessar mundir stödd í sólinni við hið undurfagra Cómó-vatn á Ítalíu. 

Parið flaug til borgarinnar til að fagna ástinni, en þau voru meðal gesta í brúðkaupi Andra Dagnýjarsonar, kírópraktors hjá Nordik Chiropractic, og Giorgiu Miná, fasteignasala hjá Keyes Realtors, en fasteignasalan sérhæfir sig í sölu lúxuseigna.

Síðustu daga hefur Tanja birt töfrandi myndir frá Cómó-vatni, en hún byrjaði ferðina á að skoða sig um borgina áður en hún og Ryan fóru í sitt fínasta púss fyrir brúðkaupið þar sem öllu var til tjaldað.