Ung stúlka frá Lanarkshire í Skotlandi á í stökustu vandræðum með að finna sér vinnu. Ástæðan fyrir því er sú að hún ber sama eiginnafn og eftirnafn og vinsælasta tónlistarkona í heimi, Taylor Swift. Stúlkan segir atvinnurekendur ekki taka mark á sér.

Foreldrar Swift, Mairi og Peter Swift, gáfu dóttur sinni nafnið vel áður en tónlistarkonan varð fræg um allan heim. Swift var tveggja ára gömul þegar tónlistarkonan gaf út fyrstu stúdíóplötu sína, titluð Taylor Swift.

Swift, 19 ára, segist oft vera spurð út í nafnið og að það komi henni reglulega í hálfgert klandur. Til þess að koma í veg fyrir slíkt fer hún ekki út úr húsi án vegabréfs. 

„Það trúir mér enginn. Ég fæ sjaldan svör við umsóknum. Flestir telja þetta vera einhvers konar gabb,“ útskýrir Swift. 

Frétt af mbl.is

Eina konan á lista tekjuhæstu skemmtikrafta heims

Vinsældir tónlistarkonunnar Taylor Swift eru miklar út um allan heim. Tónleikaferðalag hennar, titlað The Eras Tour, hefur halað inn milljörðum á síðustu mánuðum, en allt sem hún snertir verður að gulli. 

Frétt af mbl.is

Taylor Swift manneskja ársins hjá Time

Independent