Friðrik Dana­kon­ung­ur og Mary drottn­ing fóru í op­in­bera heim­sókn til Stokk­hólms á dögunum. Var þetta fyrsta op­in­bera heim­sókn þeirra eft­ir að Friðrik tók við af Mar­gréti Þór­hildi móður sinni í byrj­un árs­.

Þar vörðu þau miklum tíma með Karli Gústavi Svíakóngi og Sylvíu drottningu og athygli vakti hvað Karl Gústaf var duglegur að segja Friðriki til enda Karl Gústaf annálaður skörungur.

Kóngahjónin fóru um alla borg, gróðursettu tré og kóngarnir fóru uppstrílaðir á æfingu með sænska hernum. Þá var mikið um dýrðir í sænsku höllinni þegar Friðrik og Mary mættu til konunglegrar veislu.

Einnig vakti það sérstaka athygli fjölmiðla hversu náin og samrýnd Mary og Friðrik virtust vera í ferðinni en síðustu mánuði hafa miklar sögur verið á reiki um meint framhjáhald Friðriks. Það var tilefni til umfjöllunar helstu slúðurblaða á borð við Daily Mail sem birti grein um hvað Mary gæti lært af Sylvíu drottningu þegar kæmi að kvennaflandri eiginmannanna. En á sínum tíma voru uppi miklar og svæsnar sögur um partístand kóngsins sem rifjaðar eru upp reglulega í sænskum fjölmiðlum. Kóngurinn brást við þeim sögum með óljósum hætti árið 2010 þegar hann sagðist hafa snúið blaðinu við og valið að horfa fram á veginn enda löngu liðnir atburðir.

Frétt af mbl.is

Konungsfjölskyldan rýfur þögnina um meint framhjáhald

Friðrik kóngur gróðursetur eplatré. Karl Gústaf er duglegur að segja honum til. AFP

Friðrik kóngur virðist hafa nokkuð gaman að tilmælum Karls Gústafs. AFP

Friðrik kóngur gerir sitt besta. AFP

Mary drottning fékk svo að vökva tréð. AFP

Kóngarnir voru reffilegir. AFP

Drottningarnar eiga það sameiginlegt að þurfa að kljást við orðróma um kvensemi eiginmannanna. AFP

Hjónin virtust afar hamingjusöm saman en hávær orðrómur hefur verið uppi um framhjáhald Friðriks. AFP