Áhorfendur á lokaæfingu seinni forkeppni Söngvakeppni evrópskra sjónvarpsstöðva bauluðu á ísraelsku söngkonuna Eden Golan er hún steig á svið til að flytja framlag Ísrels Hurricane.

Þúsundir mótmæltu þátttöku Ísraels í keppninni á götum Malmö í dag. Meðal mótmælenda var aðgerðarsinninn frægi Greta Thunberg. 

Seinni forkeppnin Eurovision er haldin í kvöld og mun því liggja fyrir eftir örfáar klukkustundir hvaða lönd keppa í úrslitum á laugardag.

Frétt af mbl.is

Fordæma áreiti í garð keppenda í Eurovision

Þúsundir Svía í Malmö mótmæltu þátttöku Ísraels í keppninni vegna framgöngu þeirra á Gasasvæðinu. AFP

Fékk kveðju frá Netanjahú

Benjamín Netanjahú, forsætisráðherra Ísraels, lýsti yfir stuðningi sínum við Golan í myndbandskveðju þar sem hann sagði öldu af gyðingaandúð ganga yfir Svíþjóð.

„Veistu hvað. Þú hefur þegar unnið,“ sagði forsætisráðherrann í kveðju sinni til söngkonunnar.

Aðgerðarsinninn Greta Thunberg var meðal mótmælenda. AFP

Afar stolt og mun ekki láta neitt stöðva sig

Hafa margir sett sig upp á móti þátttöku Ísraels í keppninni vegna framgöngu þeirra á Gasasvæðinu þar sem fleiri en 34.840 manns hafa látist síðan í október. Þykir það m.a. skjóta skökku við að Ísrael sé heimiluð þátttaka en Rússlandi hafi verið meinuð þátttaka í kjölfar innrásar þeirra í Úkraínu. 

Golan sem er frá Rússlandi og Ísrael kvaðst afar stolt af því að keppa fyrir hönd heimalands síns. Sagðist hún ekkert láta stöðva sig.

Var upprunalegu framlagi Golan October Rain hafnað af Sambandi evrópskra sjónvarpsstöðva þar sem það þótti skírskota til árásar Hamas-samtakanna þann 7. október, sem varð 1.200 Ísra­els­mönn­um að bana.

Frétt af mbl.is

Réðust inn í Rafah þrátt fyrir varnaðarorð Bidens

Eden Golan kvaðst afar stolt af því að keppa fyrir hönd heimalands síns. AFP