Breska Love Island-stjarnan Malin Andersson varar fólk við lýtaaðgerðum. Í nýlegri færslu sinni á Instagram sýnir hún magann sinn sem henni finnst kekkjóttur og skrítinn eftir fitusog og tvær meðgöngur.

„Þegar maður fór í fitusog fyrir sjö árum, eignast tvö börn en maður er samt með mjög skrítna húð á maganum eftir fitusogið. Ég vil bara vara fólk við sem er að hugsa um að fara í fitusog, sérstaklega í Tyrklandi. Þetta er afraksturinn eftir sjö ár. Maður lifir og lærir. Skrítið hvernig ég hef lært að elska hvern krók og kima þrátt fyrir allan sársaukann. Ég vil bara ekki að aðrir geri sömu mistök og ég,“ segir Andersson í færslu sinni á Instagram.

Malin Andersson hefur lært að elska líkamann sinn þrátt fyrir misheppnað fitusog. Skjáskot/Instagram