Berglind Hreiðars hjá Gotterí og gersemar elskar að fá sér heitt aspasstykki í bakaríinu og eflaust eru fleiri á sama máli. Berglind ákvað að prófa brauðréttasalatið frá Salathúsinu og gera slíkan rétt heima. Hún er á því að hennar aspasstykki sé alveg eins

„Almáttugur þetta var alveg eins og það tók aðeins nokkrar mínútur að útbúa dýrðina til,“ segir Berglind og er í skýjunum að hafa getað stælað aspasstykki á lista vel. Þetta er ekta réttur sem upplagt er að bjóða upp á með kaffinu eða í kvöldmatinn. Síðan er aspasstykkið líka dásamlegt sem saðsamt kvöldsnarl með sjónvarpinu. Þetta steinliggur fyrir þá sem vilja stytta sér leiðina.