Spursmál | 13. maí 2024
Forseti Íslands verði dragdrottning
Jón Gnarr forsetaframbjóðandi gegndi embætti borgarstjóra á árunum 2010-2014. Á þeim tíma tók hann m.a. þátt í Gleðigöngunni sem dragdrottning.
Forseti Íslands verði dragdrottning
Spursmál | 13. maí 2024
Stefán E. Stefánsson
Setja bókamerki
Jón Gnarr forsetaframbjóðandi gegndi embætti borgarstjóra á árunum 2010-2014. Á þeim tíma tók hann m.a. þátt í Gleðigöngunni sem dragdrottning.
Jón Gnarr forsetaframbjóðandi gegndi embætti borgarstjóra á árunum 2010-2014. Á þeim tíma tók hann m.a. þátt í Gleðigöngunni sem dragdrottning.
Í nýjasta þætti Spursmála er hann spurður út í hvort til greina komi að hann taki þátt með svipuðum eða sama hætti, verði hann kjörinn sjöundi forseti lýðveldisins.
Orðaskiptin um þetta mál má sjá í spilaranum hér að ofan en þau má einnig lesa í textanum hér að neðan.
Önnur mörk hjá forsetanum?
Þetta er eiginlega tæknileg spurning. Sem borgarstjóri gerðir þú þetta, eigum við von á því, ef þú verður kjörinn forseti að þú munir með svipuðum hætti taka þátt þátt í baráttugöngu sem þessari. Eru önnur mörk hjá þjóðhöfðingjanum heldur en borgarstjóranum hvað þetta varðar?
„Nei, ég held að ég myndi alveg gera það. Ég sé ekkert að því.“
Þannig að það yrði forsetavagninn á Gaypride.
„Já. Sem forseti langar mig ekki bara að vera áhorfandi á hliðarlínunni í lífi þjóðarinnar heldur fullur þátttakandi í svona viðburðum.“
Kjarninn í þjóðarsálinni
En mun fólk bera þá virðingu fyrir forsetaembættinu og þeirri upphafningu sem því óhjákvæmilega fylgir ef þú gerir...
„Af hverju ætti það ekki að gera það?“
Ég er að spyrja hér, ég er ekki í viðtali hjá þér.
„Ég, ég, ég, ég, sé ekki ástæðu til þess að fólk ætti ekki að bera virðingu fyrir embættinu þótt forsetinn klæði sig í drag. Ég sé enga ástæðu til þess. Og mér finnst þetta líka vera kjarninn í því sem íslensk þjóðarsál er. Við erum einstakar og óvenjulegar manneskjur. Og við erum óhrædd við að sýna það og það er líka ástæðan fyrir því að við vekjum sem fólk aðdáun út um allan heim því við erum svo einstakar manneskjur.“
Erum öðruvísi fólk
Skrítin?
„Við erum skrítin, við erum öðruvísi. Við erum með meiri aðlögunarhæfni en margar aðrar þjóðir, eins og nágrannaþjóðir okkar. Við erum mjög fljót að laga okkur eftir breyttum aðstæðum og við erum svona einstakir karakterar við Íslendingar. Og mér finnst þetta vera hluti af því að sýna okkur sem einstakar, og óvenjulegar manneskjur til gleði og uppbyggingar.“
Viðtalið við Jón Gnarr má sjá og heyra í heild sinni hér:
