Nýtt förðunartrend hefur tröllriðið samfélagsmiðlinum TikTok á undanförnum dögum og hafa þúsundir áhrifavalda um allan heim deilt myndböndum undir myllumerkinu #asokamakeup sem hafa mörg hver fengið mikla athygli og áhorfendatölur upp á hundruði milljóna. 

Trendið er innblásið af Bollywood-kvikmyndinni Asoka sem kom út árið 2001, en í myndböndunum er sýnd indversk brúðarförðun, hár og fatnaður í takt við eitt af lögum kvikmyndarinnar. 

Myndin sem um ræðir kom út árið 2001. Ljósmynd/Imdb.com

Milljónir hafa horft á myndband Emblu

Meðal þeirra sem hafa deilt Asoka-förðunarmyndbandi er ein skærasta TikTok-stjarna landsins, Embla Wigum. Myndband hennar hefur vakið mikla athygli og hefur þegar fengið yfir 2,7 milljónir áhorfa. 

Eins og sjá má er heilmikil vinna á bak við myndbandið, ekki einungis þegar kemur að förðuninni heldur einnig klippingu myndbandsins og þarf allt að vera hárrétt tímasett. Förðunin er þó einnig tímafrek, en það tók Emblu heilar átta klukkustundir að taka myndbandið upp. 

Frétt af mbl.is

Embla elti drauminn og slær nú í gegn í Lundúnum