Framleiðendur The Bachelor-seríanna ætla að halda ótrauðir áfram að hjálpa fólki að finna ástina þrátt fyrir dvínandi áhorf og vinsældir. 

Frétt af mbl.is

71 árs piparsveinn í leit að ástinni

Á þriðjudag var Joan Vassos, 61 árs, formlega kynnt til leiks sem fyrsta „gullára-piparmærin“.

Þetta verður í annað sinn sem Vassos reynir að finna ástina í raunveruleikaseríunni en hún var meðal þeirra sem kepptu um ástir Gerry Turner í The Golden Bachelor á síðasta ári. Vassos yfirgaf keppnina í þriðju viku vegna neyðartilviks innan fjölskyldunnar. 

Vassos er ekkja og starfar sem skólastjóri í borginni Rockland í Maryland. Hún er fjögurra barna móðir og á tvö barnabörn. 

Frétt af mbl.is

Neistinn slokknaður eftir þriggja mánaða hjónaband

Gerry Turner, fyrsti „gullára-piparsveinninn“, fór á skeljarnar og bað Theresu Nist í lokaþætti The Golden Bachelor í nóvember á síðasta ári.

Parið gekk í hjónaband í beinni útsendingu í janúar en greindi frá skilnaði sínum aðeins þremur mánuðum síðar. 

Vonandi verður útkoman önnur hjá Vassos.