Tónlistarkonan Laufey Lín Jónsdóttir hefur verið á tónleikaferðalagi um heiminn frá því í febrúar þegar hún hlaut Grammy-verðlaun fyrir plötu sína Bewitched. Nú er hún komin til Indónesíu.

Frétt af mbl.is

Laufey hlaut Grammy-verðlaun

Frétt af mbl.is

Laufey geislaði á Met Gala

Í gærkvöldi steig Laufey á svið í Jakarta í Indónesíu og söng fyrir framan 7.500 áhorfendur, en hún segir þetta vera hennar stærstu tónleikar hingað til. 

„Takk Jakarta! Þetta voru stærstu tónleikarnir mínir hingað til, öll 7.500 ykkar sungu hvern einasta texta af fullum krafti með mér. Takk fyrir að bjóða mig velkomna í fallegu menninguna ykkar, sjáumst næst! Terima Kasih,“ skrifaði Laufey í færslu sem hún birti á Instagram-síðu sinni eftir tónleikana. 

Næstu tónleikar Laufeyjar verða á morgun, þriðjudag, í Maníla á Filippseyjum og verða aðrir tónleikar á sama stað kvöldið eftir. Þaðan fer hún svo til Seúl í Suður-Kóreu þar sem hún mun stíga á svið á Jazzhátíð þann 1. júní.